Thayri's izran hoekje

Thayri 3 jun 2011

  1. aqim alif aqim, ma tghirakh oucc da3qiregh
    ayour inou ikhmed, wawfigh mingha xedhmegh

    tamara tamara, kh wen yegin aridha
    itsnousa rebda yeddar ag yethran ou'jenna

    mami youmi yemrecc, a wa lmouhim mayemi
    ay necc 3adh tamezyant, athegegh wen nedhni

    assed qibar inou, mayemi th'khemmimeth
    waghari bo yekhsan, mayemi khi t'kemmareth

    ya bo droga th rkif a bo l3asabiya
    awmi ccouccigh awar moy ghay bo tasila

    ya thekkegh khi medhran wen yemouthen adhifáaq
    inas i lif inou mokh thakh dyousa refráaq

    necc rebda zi thamzi t3iccegh th g'ibrithen
    ikhedhmayd maminou 3accqegh th g'oumayen

    yenay mani thaghrith a mo vivi yehsar
    ya ghrigh gi lmedrassa may th'ghrith abossar

    ya nighacc tekhsegh ccek ya ccek wathoumineth
    3adh atjjarbeth lhoub a khafi tendemmeth

    arah siwthas sraam i wenni ighaben iriyah
    ay wen yetoun lhoub ayma 3adh adhyarouwah

    arah siwthas sraam i wenni ighaben iwedaan
    ay wenni yetoun lhoub ima 3adh adhifekáa

    nighas may gha tháaheth ya rqahwa qa theqqen
    inaay gham idousigh am ouattáawn ida3qen

    ya lhoub i kicc'gigh yefghed gi ljjarida
    marra way thiwiyeth athacc thecc jjahanama

     
  2. allif thenghithay awlaboud accenghegh
    awlaboud athawigh rbarani accejjegh

    allif thenghithay kemmer khafi athemthegh
    rid th'lhoub athawigh rid th'sseheth athafegh

    wa thouccegh bo milyoun wara thimilyounen
    ya necc touccegh athawigh mikh 'khsigh awaren

    wa khsegh bo milyoun wara th milyoun ou'nass
    ya necc khsegh athawigh mikh 'khsigh asouwes

    wa yarabbi qendhegh ma khsay thengheth n'ghay
    ijj lif ighari th cc'ha isbouheryay

    ya nouviya th'mrecc youwit wen ifsoussen
    a ccek ira th'qathas yal3am iditassen

    ya nouviya th'mrecc youwit wen yecc'thaan
    a ccek ira th'qatháas amen3aacc wen yeddaan

    ya wa thkhathend tenwarregh, thouthay kho’zrou n ssem
    mani thayi yezra, wa mani thayi yessen

    ya zrigh ccek, ikhsiccek our inou
    awmi thennith r3ib, maghar a mami inou
    awmi thennith r3ib, thouwthidh z g’our inou

    yenay moun akithi, ma thougtheth timenna
    ya minghayni ra3dou oucca thnekhsi marra

    Yawa sidaRabbi, ima tha3fough ‘nnith?
    Ya wa thouwthigh dhi rebha, ya thccibegh taroumith



     
  3. Nighas a maminou, mecc'har ghakh n' ourawen
    Lhoub ghas ijjen our, oughas x mathayen

    Itrouthen our inou, itrouthen th'ighezran
    Itrouthen x thirelli, th izerfan n yiwthan

    ccem youccam th'khathent, necc yetmoun akithie
    asnegh l'imtihan, anza wi ghayawie

    iwa alif, ewa.. Ima 3ad anemza
    ima âadh anmoun kh'oubrith am ijjen ha?

    khsid ghi thitawin, maymi thseth'hidh
    may fekkad our inem, r3ib nni ghi thennith?

    yawmi kies gha mounegh magha pinsagh b3a
    magha oupinsagh alif may yawi nigh lla

    Yemakh alif inou, yemakh thougi thougi
    Yemakh th'xes atemha thira n sidáabi

    Isouthed ousemidh, youfay gha wahdi
    Youfay t'xemmamagh gi lhoub n barani

    Isiwdhayd sráam; yenaay imi th'ghabeth, imi th'weddaath
    A wenni itetoun lhoub ima 3adh adhi fekkaa

    Moun akis moun akis. 3dar kies amouni
    th refdhiheth tameqrant marra ouccem yewi

    ma3lik ouregwithegh asisin th ccet
    athanough 3amayen , athert3inin ou nccet

    atharigh ay yethran, athmounegh ag lhawa
    a shab adhasinin s lhoub mizi thexoua
     
  4. goed idee thayri! dank je wel :) zitten mooie tussen
     
  5. a mimi khi tn7adhedh ayamoula7idhin
    athamccounta náridha ma th necc waha itigin

    athsaynou ddat inou, imi dwa nnes
    amounegh agou sahbiw, 3adh triyamegh khas

    sighed fous inekh, fous inou athiba3edh
    a qa s rekhba inou, thghith falta 3awd

    Sidha la3youn inem, wi n dhay then khessi
    Aqam thenghitay, sroughithay thimessi

    Athahwigh gha thara, athahwigh sou marri
    Aya mudrus inou, yallah moun akithi

    Aya siddi rabbi, rabbi kourchi thezrit
    Wen yaghen wennedhni, smounith awra thouwthit

    Waynas i chalala , mellith ha y’meliccem
    ma wenni inimen ighedar, accmi ghdar rath ccem

    a nanas outhemrikh wi t3ayan atawi
    at3ayanegh rmekhtab iyega sidi rabi

    immetawn inou ghin abriedh a wanou,
    marra ikhecced maminou ouccas athisou

    sbar ayour inou, wen yenoumen i sebbaan
    yen yenouman ikhessi, timenna n llbaccar
     
  6. Geen dank meis! :p
     
  7. mami la3ziz inou ma wa th'aray necc
    manna lhoub igha thawid zi lwalidin necc

    Atqathacc a mami, tqadhacc oumi teghthaath
    A necc bedregh lhoub mani kies gha teth’haadh

    Wadji gham idossigh athen yessawaren,
    Mathattudh ikhfenam, min kham t3awaden

    Ya3lik ghari ghanna thi lhoub n dchar inou
    Wallah ya cci yeccten ma xes yewweth cco passo

    amccouma n lhoub yourid am ousennan
    adisebba arabbi wen yerqaf damezyan

    yezran n yidha a kourchi th rem3ani
    athi sebba arabbi, wen way tefhimmen ccci
     
  8. arah qim gi th’hanout, pinsa oucca khemmen
    marra winakh lhoub ima athakh tidarren

    aya siddi rabbi, aya rabbi minzi
    iwdhan ggin lhoub, necc ggigh thimessi

    innayi raja , ma th rajjigh ayedim
    a wen yeccin our ines a rajjath nigh aqim

    seb3a n temsayasin 7esbekhthend thamesmir
    marra wigh aridha a wenni th tissir

    mami la3iz inou a bo trakhi n mittayen
    a necc talabeghakh rejjwajj kh mathayen

    theggamith atoucceth miya gi dfin inou
    i mou3as atoucceth milyoun gi ddat inou

    ghakh idesawaregh a mis n dhar inou
    ma tefhameth rma3na idhakh diqqa our inou

    wayaralla yema, awed jjay ari inou
    awed jjay athawigh lhoub i wour inou

    gha yedji ddat inou younouthasd oufighar
    younouthasd ouccekam, thiccekammin ktar

    wayaralla yema lhoub athayinegh
    youccay yekhsan yougi zayi yefegh

    aqayi req7egh gi r3ounsa n waman
    ccekmeth ayccekammen, ayour inou thameqran

    wayaralla yema smerkhayi oucca henna
    mayami athay thejjeth rebda gi tamara

    merccayi ayema, nigh athmerccegh ninth
    awyayi boula3youn awa khs khedhmegh nieth

    merccayi a baba, waytejja tha3ezri
    thnayn n tihramin gintayi mezri
     
  9. awah nid akithi atha3ccath zi rahbab
    yakh atawith lhoub outghimmith gi ra3dhab

    meskin ya lif inou itawi kh our ines
    imoun ag ougheddar ghirras tha3ccir ines

    lhoub s thitawin a rejjwadh thasewas
    thamounit n ouabrith thespadhar bab ines

    akhsid ghi thitawin, ksay thifraz mlih
    ma youccakh our inekh anemoun 'sahih

     
  10. qtha3 rayass ayour inou wa khas th3awerr
    wenni irahen gha lkharijj ma 3adh adithwer

    wa wayeqqim bo raman, denya ya tagheddaath
    wa theqqim aridha watheqqim r3accaath

    semhay ayour inou th necc ghakh i3addaan
    jjighcc gi tamara thi oussaan nni ya3dhan
     
  11. ik wou je net een pm sturen of je jouw izran topic wil updaten haha thnxx!

    mooie izran ik ben daar gek op :$ schrijf je die zelf?
     
  12. Haha kyk eens aan, how sweet! No need to thank me (K)

    Ben bly om te horen da je ze mooi vindt. Nee helaas niet, dit is gwn beetje van mama, vrouwtjes, liedjes en van andere mensen enz.
     
  13. ya3lik thayi thezrith atrough thimmatawn
    douwregh am ousiwan itawn kh'idhemrawn

    wa thennay rajja ma thrajjigh ayeddim
    a then yeccin our ines, arah rajjat nigh qqim

    iwa ya lif iwa, deghya thennid r3ib
    deghya thenithassen thenni tathef i ouabrid

    iwa ya lif iwa, bo trakhi n mittayn
    necc talabeghakh rejjwajj kh mathayn
     

Deel Deze Pagina