Walid Mimoun Amazigh Lyrics

Salima 4 apr 2011

  1. Azul

    Zi redjagh n tmurt ghar ruâra ujenna

    zi redjagh n tmurt ghar ruâra ujenna
    dêrqegh i r xezrat fethênt di tyarja
    ttâwent am tfadjas azzunt x rehna
    rehna yewy-it ttrâm iyyar-das
    aserham aserham abarkan
    zi tbwarjet n djyari xezzargh ghar usinu
    twarigh yis d acemrar yetrabaâ deg wur-inu
    ur-inu d rmerâeb n rjdud nni yezzarn
    mani tettent remsames ticdiyin n iksan
    ur-inu d reârâsi n benneâman
    ihênjiarn imêzzyanen dinni mani tirarn
    sfarninnen ghar tya n tfukt-nni yecnan
     
  2. Idurar n arrif

    idurar n arrif i dihan ibedden
    i durar n ssif i dihan isedden
    idênnad tugha din ca n yewdan qedden
    maca nhâra qa din ca imêdran hedmen
    imêdran n tmaddiwin di tqicciwin ghemyen
    maca qa ghemyen din x ca n taryast cahden
    taryast âabd krim taryast irifiyen

    xzart ghar idurar-in xzart a imêzzyanen
    nhara yeqqim din ratar n weyraden
    ratar âabd krim d ratar n yemjahden
     
  3. Tudart-a

    Tudart-a d ijen webrid ntekk nâeddu
    tudart-a d ijen webrid ghas aneggar ghas beddu
    tudart-a d ijen wejdîd war yettîw d amêhtedju
    ad isûd ûsemmîd uca d-yebda t-yessendu

    tejjanegh tudart ntazzer awarn-as
    mârrâ wenni yezzanrb wenni tqadayas
    maca wenni yewran
    yewy-it rebhâr

    tudart-a d ijen rebhâr mârrâ ttisarfin
    wenni yessnen aftâh ad yenjem i txecfin
    wenni war yessinen
    yewy-it rebhâr
    tudart-a d ijen teftic tarq tqêttâ
    neccin d ifarttûten nqabrit nhêtta
    tudart-a ttyarja mârrâ netmetta
    mârrâ wenni ilehfen xa xas d arren akentyar

    2 Tabrat

    âeddun wussan-inu âeddun am usêmmîd
    âeddun ak ugharreb deg wudfer d ccedjid
    a tadbirt a tadbirt mara truhed têdwid
    agham ijen tabrat i ten i gha-terqid
    ghar-it x idurar d rebhûr i gha-tezwid
    ghar-it x ighêzrân ttara mara teswid
    ghar-it x ten-texsegh in-as mamec tedjid
    in-as qa râizz-nnem deg wur-inu yizîd
    am nnwar n benneâman s nda n refjar yirid
    têdwid am têhjijat deg wur-inu tarsid
    am tya n tziri di djyari-inu teknid
    di ddmani imendi ttfukt i tedjid
    am reâwin unebdu x rebhâr tsarid
    xsex-cem s adu n tcarcurt n yeghzâr tsarrid
    qa âad râizz-nnem deg wur-inu yizîd
    am rêhtic deg yiyyar d yezran dayi tennid
    acewwaf d azirar itawy-it usêmmid a
    tabdirt a tabdirt mara truhêd têdwid
    agham ijen tabrat i ten i gha-terqid

    3 Ddunekt-a

    ijj itari ghar tziri ijj tasebsekt ttiri
    ijj igharq deg wurgh ar iri ijj igharq ar imejjan di rbeghri
    ijj ibehhâr di tghuri, ijj iddar di taghyuri
    ijj icennef deg carri, ijj di tmarraqt isarri
    ijj ghas aâeddis d rkuri ijj aksum itefruri
    ijj ghas ijiman a xasen-tedzd ari
    mara tennid tidet ac-arren d abuhari
    mara tennid ixarriqen ac-arren d abhûarri
    tudart-nnegh temmarzeg temmarzeg d ariri
    ijj arrin xas deg yefri arrin xas isri
    war ytesri war yetwiri d rêhbusat a xari
    maca tfukt-nnegh xa tiri xa tiri
    u mara turi turi turi.

    [video=youtube;zHZfCiMlLHA]http://www.youtube.com/watch?v=zHZfCiMlLHA[/video]
     
  4. Prachtig a Salima
     
  5. tadawit

    tadawit

    6
    0
    0
    Salam,

    Amzwaro tqadigh ccem sw attas x tarjama'ya.
    Walid Mimoun issba7 , marra 3ad gham cca n tarjama neccin traja. xD
     

Deel Deze Pagina